Azərbaycan, Bakı, 27 dekabr /Trend/
"Parabank" 29-30 dekabr tarixlərində Azərbaycan Dövlət Kukla Teatrında yeni il aksiyası keçirəcək. Bu barədə bankın bazar ertəsi yaydığı məlumatda deyilir.
Yeni il aksiyası çərçivəsində teatra gələn uşaqları "Parabank"ın işçiləri maraqlı hədiyyələrlə qarşılayacaqlar.
Uşaqlar teatrı seyr etməkdən əlavə, hədiyyələrdən də zövq alacaqlar.
Bu tədbir "Parabank" ASC-nin bank məhsulları haqqında əhalini məlumatlandırmaq və uşaqların bayram günlərini maraqlı keçirməsi məqsədilə təşkil olunub.
"Parabank" öz 19 illik bank təcrübəsinə əsaslanaraq bu tip layihələrə böyük əhəmiyyət verir və aktiv şəkildə iştirak edir.