...

Azərbaycan Nəqliyyat Nazirliyi yük normasını ötən avtomobillərin aşkarlanması üzrə reydlər keçirir

Biznes və iqtisadiyyat xəbərləri Materials 3 May 2011 15:51 (UTC +04:00)

Azərbaycan, Bakı, 3 may /Trend/

Azərbaycan Nəqliyyat Nazirliyinin "Azəryolservis" ASC Dövlət Yol Polisi ilə birlikdə yük normasını ötən yük avtomobillərinin aşkarlanması üzrə reydlər keçirir. Trend-in məlumatına görə, bu barədə çərşənbə axşamı ASC-nin mətbuat xidmətinin rəhbəri Pünhan Mürsəlov deyib.

Onun sözlərinə görə, ölkənin müxtəlif yollarında "Azəryolservis"in əməkdaşları Yol Polisi ilə birlikdə normadan artıq yük daşıyan yük maşınlarına baxış keçirirlər və onları marşrutdan çıxarırlar. Müəyyən yerlərdə tərəzilər quraşdırılıb. Onların köməyi ilə avtomobil nəqliyyatının çəkisi ölçülür.

Mürsəlovun sözlərinə görə, əksər halllarda avtomobil nəqliyyatı vasitələrində yükün daşınma həcminin iki və hətta üç dəfə artırılması üçün dəyişikliklər edilir. ASC əməkdaşları yerlərdə bu çatışmazlıqları aradan qaldıraraq nəqliyyat vasitəsinin müvafiq parametrlərini istehsalçı zavod tərəfindən müəyyənləşdirilən normaya uyğunlaşdırırlar.

ASC-nin mətbaut xidmətinin rəhbərinin sözlərinə görə, yük normasını ötən avtonəqliyyat vasitələri yol örtüyünü dağıdır. Gələcəkdə böyük magistrallarda avtonəqliyyatın çəkisini və təzyiqini ölçəcək tərəzilərin quraşdırılması nəzərdə tutulur. Bu, artıq yükləmə məsələsini operativ həll etməyə imkan verəcək. Bundan başqa, əvvəllər İnzibati Xətalar Məcəlləsinə avtonəqliyyat vasitələri tərəfindən daşıma qaydalarının pozulmasına görə cərimələri nəzərdə tutan dəyişikliklər edilib.

Xəbər lenti

Xəbər lenti