Azərbaycan, Bakı, 2 iyun /Trend, müxbir N.İsmayılova/
Beynəlxalq Maliyyə Korporasiyası (BMK) və Azərbyacan bankı "Turan Bank" iyunun ortalarında mikro, kiçik və orta sahibkarlığa 7 milyon dollar məbləğində maliyyələşdirmənin verilməsi haqqında kredit sazişi imzalayacaqlar. Bu barədə cümə axşamı Trend-ə BMK-nın Bakı nümayəndəliyindən bildiriblər.
"TuranBank"ın Azərbaycan ərazisində fəaliyyət göstərən 11 filialı var.
BMK-nın krediti bankın portfelində şəhər və kənd yerlərində mövcud və yeni filallarda mikro, kiçik və orta sahibkarlığın maliyyələşdirilmə həcminin artırılmasına dəstəyə yönəldiləcək.
"Turan Bank" 1992-ci ildə yaradılıb. Bankın 25 səhmdarı var. Bunun 5-i hüquqi (21,8 faiz), 20-si isə fiziki (78,2 faiz) şəxsdir.