...

Azərbaycan İqtisadi İnkişaf Nazirliyi rüsumların onlayn-ödəniş sistemini tətbiq edəcək

Biznes və iqtisadiyyat xəbərləri Materials 1 İyul 2011 18:59 (UTC +04:00)

Trend-i buradan izləyin

Azərbaycan, Bakı, 1 iyul /Trend, müxbir A.Axundov/

Azərbaycan İqtisadi İnkişaf Nazirliyinin 2011-ci il üçün strategiyasına əsasən, bu il rüsumların onlayn-ödəniş alətlərinin tətbiqinə başlamaq planlaşdırılır. Trend-in məlumatına görə, Bu barədə cümə günü nazirliyin yeni elektron idarəetmə sisteminin və yenilənmiş internet saytının təqdimatı zamanı nazir müşaviri Tahir Mirkişili deyib.

"Bu, dövlət rüsumlarının ödənilməsi üçün sənədlər təqdim edilərkən xeyli vaxta qənat etməyə səbəb olacaq", - Mirkişili qeyd edib.

Onun sözlərinə görə, 2011-ci ildə nazirliyin Bakıdakı əsas binasını ölkə üzrə regional bölmələrlə, o cümlədən Naxçıvanla birləşdirərək yüksəksürətli "Intranet" daxili şəbəkəsinin genişləndirilməsi planlaşdırılır.

"Nazirlikdə daxili idarəetmənin elektronlaşdırılması gələcəkdə göstəriləcək bütün elektron xidmətlərin tətbiqi üçün əsas yaradır", - Mirkişli bildirib.

Onun sözlərinə görə, nazirlik 3G texnologiyasının tətbiqini də genişləndirəcək.

"Bundan başqa, sənədlərin imzalanması və arxivləşdirilməsi, imzaların yoxlanılmasını aparmaq, sənədlərin təhlükəsizliyini təmin etmək üçün elektron imzadan da geniş istifadə planlaşdırılır", - Mirkişili qeyd edib.

Onun sözlərinə görə, bundan başqa, 2011-ci ildən rəngli və qiymətli daş-qaşlarla və digər növlərlə, o cümlədən birja fəaliyyəti ilə bağlı olan fəaliyyət növləri üçün lisenziyanın verilməsi elektron xidmətlər formasında həyata keçiriləcək.

"Keyfiyyət və mənşə sertifikatının da elektron şəkildə verilməsi planlaşdırılır. Bu, rüsumların onlayn-ödənişini, digər orqanlarla inteqrasiyanı, icazə sistemi reyestrinin yaradılmasını nəzərdə tutur", - Mirkişli vurğulayıb.

2011-ci ildə dövlət investisiya layihələrinin elektron idarəetməsinə başlamaq və dövlət proqramlarının interaktiv xəritələrinin yaradılmasının başa çatdırılması gözlənilir.

Xəbər lenti

Xəbər lenti