...

Azərbaycanda sığortanın icbari növləri üzrə yığımlar 87 faizdən çox artıb

Biznes və iqtisadiyyat xəbərləri Materials 7 İyul 2011 16:57 (UTC +04:00)

Azərbaycan, Bakı, 7 iyul /Trend, müxbir A.Bədəlova/

Yanvar-aprel ayları ərzində Azərbaycanda sığorta mükafatlarının ümumi həcmində artım 23 faiz təşkil edərək 66,342 milyon dollara çatıb. Bu rəqəm ötən ilin analoji dövründə 53,729 milyon dollar olub. Trend-in məlumatına görə, bu barədə cümə axşamı Az Re təkrar sığorta şirkətinin idarə heyətinin sədri Çingiz Mehdiyev II Beynəlxalq Sığorta Forumunda çıxışı zamanı bildirib.

2011-ci ilin dörd ayı ərzində həyat sığortası mükafatlarının həcmi ötən ilin analoji dövründəki 0,508 milyon manata nisbətdə 9,854 milyon dollar təşkil edib.

Bu ilin yanvar-aprelində Non-life sığorta üzrə mükafatların həcmi ötən ilin analoji dövründəki 53,221 milyon dollara qarşı 56,488 milyon dollar olub.

Dörd ay ərzində bazarın ümumi portfelində həyat sığortasının payı 17,44 faiz, Non-life sığortanın payı müvafiq olaraq 0,95 və 99,05 faizə qarşı 82,56 faiz təşkil edib.

2011-ci ilin göstərilən dövrü ərzində könüllü sığorta üzrə mükafatlar 8,78 faiz artaraq ötən ilin analoji dövründəki 43,74 milyon dollara nisbətdə 47,58 milyon dollar olub.

Göstərilən dövrdə sığortanın icbari növü üzrə mükafatlar 87,29 faiz artaraq 2010-cu ilin yanvar-aprelindəki 9,99 milyon dollara qarşı 18,76 milyon dollar təşkil edib.

Bu ilin hesabat dövründə sığorta yığımlarının ümumi həcmində icbari sığorta növlərinin payı 28 faiz, könüllü sığorta üzrə isə 72 faiz təşkil edib.

Azərbaycanda 28 sığorta və bir təkrar sığorta şirkəti fəaliyyət göstərir.

İyulun 7-nə olan rəsmi məzənnə 0,7870 AZN/USD təşkil edir.

Xəbər lenti

Xəbər lenti