Azərbaycan, Bakı, 6 dekabr /Trend, müxbir N.İsmayılova/
2011-ci ilin yanvar-oktyabr aylarının yekunları üzrə Azərbaycan regionlarında əhaliyə verilən kreditlər 1473,4 milyon manat və ya Azərbaycan bankları tərəfindən verilən kreditlərin 15,1 faizini təşkil edir. Trend-in məlumatına görə, bu barədə çərşənbə axşamı ölkənin Mərkəzi Bankından (AMB) verilən məlumatda deyilir.
Noyabrın 1-nə olan məlumata görə, ölkə üzrə kreditləşmənin ümumi həcmi 9776,2 milyon manat təşkil edib ki, burada milli valyutada verilən kreditlər 6150,2 milyon manat səviyyəsində olub. Bakı üzrə bu göstərici 8302,8 milyon manat təşkil edib ki, burada milli valyutada verilən kreditlərin payına 5067,2 milyon manat düşüb. Hesabat dövrü ərzində ölkədə orta faiz dərəcəsi 16,1, Bakı üzrə 15,5 faiz təşkil edib.
Kreditləşmənin həcmi Abşeron iqtisadi rayonu üzrə orta faiz dərəcəsi 17,2 faiz olmaqla 359,3 milyon manat, Aran iqtisadi rayonu üzrə 21,8 faizlə 286,5 milyon manat, Dağlıq Şirvan iqtisadi rayonu üzrə 20,1 faizlə 31,8 milyon manat, Gəncə-Qazax iqtisadi rayonu üzrə 21,6 faizlə 261 milyon manat, Quba -Xaçmaz - 20,4 faizlə 104 milyon manat, Lənkəran - 24,8 faizlə 118,1 milyon manat, Şəki-Zaqatala - 17 faizlə 232,9 milyon manat, Yuxarı Qarabağ - 19,6 faizlə 10,6 milyon manat, Kəlbəcər-Laçın - 17,1 faizlə 2,1 milyon manat, Naxçıvan - 11,6 faizlə 67,1 milyon manat olub.
Dekabrın 6-na olan rəsmi məzənnə 0,7865 AZN/USD təşkil edir.
