Azərbaycan, Bakı, 14 yanvar /Trend, müxbir N.İsmayılova/
Beynəlxalq Maliyyə Korporasiyası (BMK) Azərbaycan bankı "TuranBank"a mikro, kiçik və orta sahibkarlığın maliyyələşdirilməsinə 7 milyon dollar həcmində kredit təqdim edib. Trend-in məlumatına görə, bu barədə şənbə günü BMK-nın məlumatında deyilir.
BMK-nin təqdim etdiyi kredit 2011-ci ilin mayında təsdiq edilib və bankın mövcud filialları, eləcə də şəhər və kənd yerlərində yeni filiallarında mikro, kiçik və orta sahibkarlığın maliyyələşdirilməsinin həcminin artmasına dəstək üçün yönəldilib.
"TuranBank"ın Azərbaycan ərazisində fəaliyyət göstərən 11 filialı var. Kredit 5 il müddətinə verilir.
Bank 2009-cu ildən BMK-nin müştərisidir.
"TuranBank" 1992-ci ildə yaradılıb. Bankın 25 səhmdarı var, onlardan beşi hüquqi şəxs (21,8 faiz), 20-si fiziki şəxsdir (78,2 faiz).