Azərbaycan, Bakı, 23 fevral /Trend, müxbir A.Axundov/
"İcbari sığorta növləri haqqında" yeni qanunun tələblərinə uyğun olaraq ötən ilin dekabrında Azərbaycanda yaradılan İcbari Sığorta Bürosu öz informasiya sisteminin Daxili İşlər, Vergilər nazirlikləri və Dövlət Miqrasiya Xidmətinin elektron informasiya sistemləri ilə əlaqələndirilməsi üzrə işlər aparır. Bu barədə cümə axşamı Trend-ə bürodan bildiriblər.
"Azərbaycanda avtonəqliyyat vasitəsi sahiblərinin mülki məsuliyyətinin icbari sığorta müqaviləsi yalnız qanunda nəzərdə tutulmuş informasiya sistemi vasitəsilə bağlandıqda və həmin sistemin informasiya ehtiyatında mövcud olduğu halda etibarlıdır. İnformasiya sistemi artıq mövcuddur, onun istifadəsini büro təmin edir", - bürodan qeyd ediblər.
