Azərbaycan, Bakı, 9 iyul /Trend, müxbir Ə.Həsənov/
Mixael Hoffman Azərbaycan bankı "Access Bank"ın baş meneceri vəzifəsini tutacaq. O, bu vəzifədə Endryu Pospilovskini əvəz edəcək. Bu barədə bazar ertəsi Trend-ə bankdakı mənbə bildirib.
Pospilovski 2006-cı ilin iyunundan "Access Bank"da bu vəzifədə çalışır.
Hazırda Hoffman Azərbaycan Mərkəzi Bankında attestasiyadan keçir, bundan sonra rəsmən vəzifəsinə başlayacaq.
O, postsovet məkanı ölkələrində mikromaliyyələşdirmənin inkişafı sahəsində 10 illik iş təcrübəsinə malikdir. Mixael Hoffman 2007-ci ildən etibarən Avropa Yenidənqurma və İnkişaf Bankının Privoljsk federal dairəsi üzrə nümayəndəsi olub.