...

Xırdalanda sahibkarlar üçün treninq keçirilib

Biznes və iqtisadiyyat xəbərləri Materials 14 Mart 2013 18:25 (UTC +04:00)
Martın 14-də İqtisadi İnkişaf Nazirliyinin və Abşeron rayon İcra Hakimiyyətinin dəstəyi, nazirliyin Bakı Biznes Tədris Mərkəzinin təşkilatçılığı ilə Xırdalan şəhərində sahibkarlar üçün treninq keçirilib.
Xırdalanda sahibkarlar üçün treninq keçirilib

Trend-i buradan izləyin

Azərbaycan, Bakı, 14 mart /Trend/

Martın 14-də İqtisadi İnkişaf Nazirliyinin və Abşeron rayon İcra Hakimiyyətinin dəstəyi, nazirliyin Bakı Biznes Tədris Mərkəzinin təşkilatçılığı ilə Xırdalan şəhərində sahibkarlar üçün treninq keçirilib.

Nazirliyin mətbuat xidmətindən Trend-ə verilən məlumata görə, "Mövcud və yeni ixrac bazarlarına çıxış imkanları", "İdxalı əvəz edən məhsulların istehsalının və ixracının stimullaşdırılması" və "İqtisadi İnkişaf Nazirliyi tərəfindən göstərilən elektron xidmətlər" mövzularında keçirilən treninqlərdə Xırdalan şəhərində fəaliyyət göstərən 30-dan çox sahibkar iştirak edib.

Tədbirdə Avropa İttifaqına ixrac imkanları, bu sahədə mövcud qanunvericilik, Avropa İttifaqının "Ümumiləşdirilmiş Preferensiyalar Sistemi+" Proqramının ("GSP+"), bu sistemin biznes üçün potensial faydası, ixracyönümlü məhsulların istehsalının stimullaşdırılması, daxili istehsalın keyfiyyətinin yüksəldilməsi və s. barədə ətraflı məlumat verilib.

Treninq iştirakçıları, həmçinin İqtisadi İnkişaf Nazirliyi tərəfindən göstərilən elektron xidmətlər, www.icazeler.gov.az, www.b2b.az elektron portalları və onlardan istifadə qaydaları, portalların biznesin səmərəli təşkili və inkişafı üçün yaratdığı imkanlar, elektron ticarət və onun əhəmiyyəti və s. barədə məlumatlandırılıb.

Tədbir çərçivəsində iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanıb, onları maraqlandıran suallar cavablandırılıb.

Məqalədə:
Xəbər lenti

Xəbər lenti