Azərbaycan, Bakı, 7 may /Trend/
"Bank Technique" Kiprin "FMBE Bank"ından vəsaitlərin uğurla cəlb olunması ilə bağlı əqd bağlayıb.
Bankda çərşənbə axşamı Trend-ə verilən məlumata görə, bank tərəfindən 10 milyon ABŞ dolları həcmində vəsaitlər 1 illik cəlb olunub. Bu əqd bankın maliyyələşmə mənbələrini diversifikasiya edəcək.
"Bank Technique" 2013-2015-ci illlərin strategiyasına əsasən, xarici maliyyə institutları ilə əməkdaşlığı genişləndirməkdə davam edir.
Daha əvvəllər də "Bank Technique" "FBME Bank"dan 5 milyon ABŞ dolları məbləğində kredit cəlb etmiş və vaxtında onu bağlamışdı.
Bank kredit portfelinin keyfiyyətini kifayət qədər yaxşılaşdıra bilib. Bank 2012-ci ilin dördüncü rübünün nəticələrinə əsasən, 35,7 milyon manat gəlirə çıxıb.