Azərbaycan, Bakı, 13 iyun /Trend/
11 iyun 2013-cü il tarixində "AtaSığorta" açıq səhmdar cəmiyyətinin səhmdarlarının 2012-ci maliyyə ilinin yekunlarına həsr olunmuş növbəti illik ümumi yığıncağı keçirilib. Bu barədə cümə axşamı Trend-ə ASC-dən daxil olan məlumatda deyilir.
Ümumi yığıncaqda cəmiyyətin 2012-ci ilin yekunları üzrə İdarə Heyətinin, Direktorlar Şurasının, Təftiş Komissiyasının hesabatları dinlənilmiş, kənar müstəqil auditor tərəfindən yoxlanılaraq rəy verilmiş 2012-ci ilin yekunları üzrə maliyyə hesabatları təsdiq edilmiş, xalis mənfəətin bölüşdürülməsi və cəmiyyətin nizamnamə kapitalının artırılması barədə qərarlar qəbul olunub.
"AtaHolding" Sirkətlər Qrupuna daxil olan "AtaSığorta" 2004-cü ildən sığorta bazarında fəaliyyət göstərir. Şirkət 22 könüllü və 4 icbari sığorta növü üzrə müştərilərinə xidmət göstərir. İcbari Sığorta Bürosunun təsisçisi və iştirakçısıdır.
"AtaSığorta" ASC-nin xidmət şəbəkəsinə 4 filial və 4 nümayəndəlik daxildir.