Azərbaycan, Bakı, 8 noyabr /Trend, müxbir A.Axundov/
Almaniya Beynəlxalq Əməkdaşlıq Cəmiyyəti (GIZ) Azərbaycanda Şəhərsalma və Tikinti Məcəlləsinin müddəalarının reallaşdırılması prosesini dəstəkləməyə hazırdır. Bundan əvvəl bu məqsədlə GIZ Azərbaycan Milli Məclisinin Hüquq siyasəti və dövlət quruculuğu komitəsinin rəhbəri Əli Hüseynliyə müraciət edib. Trend-in məlumatına görə, bu barədə cümə günü GİZ-in "Cənubi Qafqazda məhkəmə-hüquq islahatlarının dəstəklənməsi" layihəsinin rəhbəri Tomas Meltser bildirib.
Onun sözlərinə görə, Milli Məclis komitəsinin rəhbəri bu il yanvarın 1-dən qüvvəyə minən məcəllənin implementasiyasının ləngiməsi ilə əlaqədar narahatlığını ifadə edib. Meltser deyib: "Bu müəyyən problemlər yaratmağa başlayıb. Ona görə də biz bu istiqamətdə dəstək göstərmək fikrindəyik. Artıq gələn həftədən ölkə regionlarının icra hakimiyyəti orqanlarının əməkdaşları üçün seminarların keçirilməsinə başlayırıq".
Onun sözlərinə görə, məcəllə bütün əlaqədar tərəflərin maraqlarını nəzərə alaraq paytaxtı müasirləşdirməyə imkan verəcək.
