Azərbaycan, Bakı, 5 fevral /Trend, müxbir S.Ağayeva/
Azərbaycan və Litva hökumətləri iqtisadi əməkdaşlığın perspektivlərini müzakirə edəcəklər.
Danışıqlar Litvanın iqtisadiyyat naziri Evaldas Qustasın Azərbaycana səfəri çərçivəsində keçiriləcək. Səfər ilkin olaraq 3-5 aprel tarixinə nəzərdə tutulub. Bu barədə çərşənbə günü Trend-ə ölkənin Bakıdakı səfirliyindən məlumat verilib.
Danışıqlarda ikitərəfli iqtisadi əlaqələrin vəziyyəti və perspektivləri, eləcə də ikitərəfli ticarət əlaqələrinin inkişafına və şaxələndirilməsinə yönəldilmiş səylər müzakirə olunacaq.
Azərbaycan Dövlət Statistika Komitəsinin məlumatına görə, iki ölkə arasında əmtəə mübadiləsinin həcmi 2013-cü ildə 21788,35 min dollar təşkil edib.
