Azərbaycan, Bakı, 1 aprel /Trend, müxbir Ənvər Məmmədov/
Rusiya Federal Gömrük Xidməti tez xarab olan məhsullar, ərzaq və tərəvəzlərin bu ölkəyə tədarük edilməsi üçün Azərbaycana "yaşıl dəhliz" yaratmağı təklif edib.
Trend-in məlumatına görə, bunu Xidmətin rəhbəri Andrey Belyaninov Federasiya Şurasında çıxış edərkən deyib.
Onun sözlərinə görə, Rusiya bütün istiqamətlər üzrə Azərbaycanla əmtəə dövriyyəsinin artırılmasında maraqlıdır: "Xüsusilə, Azərbaycandan tez xarab olan məhsulların tədarükünə diqqət ayırırıq, çünki onlar nisbətən ucuz, lakin çox keyfiyyətli olurlar və Rusiya ərazisinə daha tez tədarük edilir".