...

Bank of Baku reytinqini qoruyub saxlayır

Biznes və iqtisadiyyat xəbərləri Materials 27 İyul 2016 11:19 (UTC +04:00)
Moody's beynəlxalq reytinq agentliyi 01 yanvar-01 iyul 2016-cı il tarixləri arasında Bank of Baku-nun reytinqinin stabil olaraq qaldığını və çətin iqtisadi vəziyyətin fonunda belə Bankın öz mövqeyini qoruyub saxladığını təsdiq edib.
Bank of Baku reytinqini qoruyub saxlayır

Bakı. Trend:

Moody's beynəlxalq reytinq agentliyi 01 yanvar-01 iyul 2016-cı il tarixləri arasında Bank of Baku-nun reytinqinin stabil olaraq qaldığını və çətin iqtisadi vəziyyətin fonunda belə Bankın öz mövqeyini qoruyub saxladığını təsdiq edib.

Bu barədə Trend-ə bankdan məlumat verilib.

Açıqlamada Bankın kapital adekvatlığı, ehtiyatların yaradılma siyasəti, likvidlik səviyyəsi, eyni zamanda gəlir qazanma qabiliyyəti müsbət qiymətləndirilib.

Bankın 1 iyul 2016-ci il tarixinə olan maliyyə göstəricilərinə əsasən məcmu kapitalın adekvatlıq əmsalı 19.5% təşkil edir ki, bu da Mərkəzi Bankın təyin etdiyi minimum 10% tələbindən yüksəkdir. Moody’s agentliyi vurğulayır ki, Bank qeyri-işlək kreditlərə 100%-dən artıq ehtiyat yaratmış, eyni zamanda ehtiyatdan əvvəl gəliri ümumi aktivlərinin 9.3%-ini təşkil etmişdir. Hesabatda Bankın likvidlik mövqeyini əhəmiyyətli dərəcədə yaxşılaşdırdığı göstərilmişdir. Mövcud makroiqtisadi vəziyyəti nəzərə alaraq Bank 2015-ci ilin 2-ci rübündən etibarən əməliyyat xərclərinin optimallaşdırılmasına fokuslanmışdır.

Qeyd olunanları nəzərə alaraq, Moody’s Reytinq agentliyi bankın reytinqini stabil olaraq B3 səviyyəsində saxlayıb. Agentliyin hesabatı ilə daha ətraflı şəkildə bu linkdən tanış ola bilərsiniz.

Bank of Baku uzun illər ərzində qazandığı müştəri məmnuniyyəti və etibarının, həmçinin bazardakı mövqeyinin qorunub saxlanılaraq daha da gücləndirilməsi istiqamətində fəaliyyətini davam etdirir.

Daha ətraflı:
145 məlumat mərkəzi
www.bankofbaku.com
www.facebook.com/bankofbaku

Məqalədə:
Xəbər lenti

Xəbər lenti