2005-ci ilin fevralında iki özəl bankın (Bank of Baku və Ilkbank) biznesinin birləşdirilməsindən təşkil olunmuş Bank of Baku-nun kapitalda iştirakı məsələsinin Avropa Yenidənqurma və İnkişaf bankının direktorlar şurası tərəfindən müzakirəsi sentyabrın 20-nə təyin olunub. Bankdan Trend ə bildirildiyi kimi, məsələnin müzakirəsi iyulun 26-a planlaşdırılsa da, sonradan həmin tarix sentyabrın 6-na keçirilib.
Müzakirənin tarixinin dəyişdirilməsi AYİB-in eyni zamanda bankın kapitalında payın əldə olunması üzrə layihələri və AYİB-lə Bank of Baku-nun birgə maliyyələşdirmə proqramını təsdiqləmək istəyi ilə bağlıdır.
Birgə maliyyələşdirmə proqramına əsasən, AYİB və Azərbaycan bankı iri layihələri paritet əasda maliyyələşdirəcək.
AYİB-in kredit komitəsi Bank of Baku-nun nizamnamə kapitalında 25% iştirakını bəyənib. Bank bu məqsədlə 5 mln dollar vəsait ayırmağı planlaşdırır. Sövdələşmələr başa çatdıqdan sonra Bank of Baku-nun kapitalı 45,3 mlrd manata qədər artmalıdır.
Bank of Baku-nun institusional inkişafı məqsədilə Avropa İttifaqının Tacis proqramı tərəfindən banka texniki yardım göstəriləcək. Hazırda layihə çərçivəsində (Implementation of Bank of Baku Institution Building) podratçılar seçilir.
