Hazırda ölkədə 100 min arı ailəsi vardır. Kənd Təsərrüfatı Nazirliyi heyvandarlıq məhsullarının istehsalı, emalı, damazlıq işi və otlaqlar şöbəsinin rəisi Çingiz Fərəcov Trend xəbər agentliyinə müsahibəsində bildirdi ki, bu qədər arı ailəsinə 3000 arıçı qulluq edir. Ç.Fərəcov ötən illə müqayisədə ölkədə arı ailələrinin sayının 4 minə yaxın, arıçılıran sayının isə 200 nəfər artdığını qeyd etdi.
O, bu qədər arıdan hər il orta hesabla 10 min tona yaxın bal alındığını qeyd etdi. İstehsal olunan balın hələ ki ancaq ölkə daxilində satıldığını deyən Ç.Fərəcov Azərbaycan balının xarici ölkələrə ixrac olunması ilə bağlı müəyyən işlərin görüldüyünü dedi.
O ölkədə arçılığın ildən-ilə inkişaf etdiyini və arıçılığın daha çox Gədəbəy, Daşkəsən, Lerik, Dəvəçi, Quba, Yardımlı, Astara və Lənkəranda yayıldığını əlavə etdi.
...
