2005-ci ilin yanvar-noyabr aylarında Azərbaycanda ümumdaxili məhsulun həcmi (ÜDM) 52329,7 mlrd manat ( hesabat dövründə 1 ABŞ dollarının 4742,5 AzM orta mübadilə kursu üzrə $11034,201 mln) təşkil edib ki, bu da 2004-cü ilin yanvar-noyabrında ÜDM -un həcmindən 25,2% yüksəkdir (38873,7 mlrd manat). Bu barədə Trend ə Dövlət Statistika Komitəsindən məlumat verilib.
Hökumətin dəqiqləşdirilmiş proqnozlarına görə, 2005-ci ildə ÜDM 20% artımla 59,5 trln manat olacağı gözlənilir. Hələlik ÜDM-un həcmi bu ilin proqnozlarına görə 87,949% təşkil edir. Artım sürəti isə 5,2 faiz yuxarıdır.
2005-ci ilin 11 ayı ərzində adambaşına düşən ÜDM ötən ilin analoji dövrü ilə müqayisədə 23,9% artımla 6331,4 min manat ($1335) təşkil edib. Bu göstərici üzrə illik proqnoz 7207,5 min manat ($1441,5) təşkil edir. Azərbaycanda ÜDM-un deflyatorun indeksi yanvar-noyabr aylarında ötən ilin 11 ayı ilə müqayisədə 5,4% -ə qarşı 7,6% təşkil edib. İllik deflyator proqnozu 18,4% təşkil edir.
