Fevralın 6 -da Bakıda INTOSAI İnkişaf Təşkilatı IDI-nin (Ali Auditor İnstitutlarının Beynəlxalq Təşkilatı) ekspert qrupunun seminarı öz işinə başlayıb.
Azərbaycanın Hesablama Palatasından (HP) Trend ə verilən məlumata görə, seminar dövlət borcunun auditinə həsr olunub. Bundan başqa, seminarın işində iştirak etmək üçün IDI -nin baş direktoru Mvqnus Borq xüsusi olaraq Bakıya gəlib.
Fevralın 7-də M.Borq HP-nın rəhbəri Namiq Nəsrullayevlə görüşəcək və dövlət strukturunun əməkdaşları ilə tanış olacaq. İki strukturun rəıhbərlərinin görüşündə audit üzrə kadrların hazırlanması və s. sahələrdə əməkdaşlığın və gələcək inkişafın məsələləri müzakirə olunacağı planlaşdırılır.
Fevralın 24-də işini başa çatdıracaq seminarın əsas məqsədi Maliyyə Nəzarəti Ali Orqanları (MNAO) əməkdaşlarının dövlət borcu auditi sahəsində ixtisasını artırmaqdır. Seminarın işində Azərbaycan da daxil olmaqla 8 ölkə, o cümlədən, Bolqarıstan, Rusiya, Qazaxıstan, Hindistan, Belorus, Norveç və İsveçrənin nümayəndələri iştirak ediblər.