Azərbaycanın Nəqliyyat nazirliyi Bakı ətrafındakı dairəvi avtomobil yolunun inşası layihəsinin maliyyələşdirilməsi məsələsini müzakirə edir. Bu barədə Trend ə nəqliyyat nazirinin müavini Musa Pənahov məlumat verib. Onun sözlərinə görə, layihə əlavə olaraq ölkənin öz vəsaitləri hesabına maliyyələşdirilə bilər.
Avtomobil yolunun layihə dəyəri $45 mln-a bərabərdir. Beləliklə, bu layihənin həyata keçirilməsi üçün əlavə olaraq təxminən $17 mln vəsait lazımdır. Layihənin qiymətinin bahalaşması onun 1997-ci ildə hazırlanmış texniki-iqtisadi əsaslandırılmasında infrastrukturun qurulması, yolun 5 km uzunluğunda olan hissəsinin inşasının və s. nəzərdə tutulmaması ilə izah olunur.
Layihə Küveyt İnkişaf Fondu ($14,9 mln), Abu-Dabi İnkişaf Fondu ($10 mln) və Azərbaycan hökumətinin ($3,5 mln) vəsaitləri hesabına həyata keçirilir.
