Azərbaycanın Milli Depozit Mərkəzi Rusiyanın "ROSBank"ı ilə müxbir əlaqələri haqqında müqavilə bağlayıb. Bu barədə Trend mərkəzin press-relizinə istinadən xəbər verir.
Depozit Mərkəzi Rusiya bankına qiymətli kağızların saxlanması, bu kağızlara olan huquqların uçotu və təsdiqlənməsi, həmçinin, qiymətli kağızlara olan hüquqların keçməsinin uçotu və təsdiqlənməsi üzrə xidmət göstərəcək.
"ROSBank" Rusiya Federasiyasının qiymətli kağızlar bazarının aparıcı və peşəkar iştirakçılarından biridir. Qeyd edək ki, bank depozit fəaliyyətin həyata keçirilməsi üzrə lisenziyaya malikdir.