Vergilər Nazirliyi xidmət sahəsinə xysusi proqram çərçivəsində qarışıq kassa aparatları və güzəştli qiymətə POS-terminallar tətbiq etməyi planlaşdırır. Trend in məlumatına görə, bu barədə aprelin 12-də keçirilən mətbuat konfransında vergilər naziri Fazil Məmmədov bəyan edib. Nazirliyin Kassa aparatlarının qeydiyyatı üzrə İdarəsində bu məsələlərlə məşğul olan xüsusi komissiya yaradılıb. Nazir deyib ki, onları almaq sahibkarlar üçün sərfəli olacaq.
POS-terminalların quraşdırılması nəqdsiz hesablaşmalara keçid tədbiri çərçivəsində həyata keçirilir və onların kassa aparatları ilə birgə tətbiq olunması nəqd tədavüllüri nizamlamağa və vergidən yayınma hallarının azaltmağa imkan verəcək.
F.Məmmədov bildirib ki, hazırda bu istiqamətdə Azərbaycanın Milli Bankı ilə danışıqlar aparılır. Onların Standartlaşdırma və Sertifikatlaşdırma üzrə Agentlik və digər orqanlar tərəfindən ekspertizadan keçməsindən sonra isə onların quraşdırılmasına başlanılacaq.
Nazir eləcə də ticarət obyektlərinin və digər xidmət sahələrinin POS-terminalların quraşdırılmasına maraqlarının olmadığını təsdiqləyib.
Ümumilikdə, hökumət POS-terminalların istifadə oluna biləcəyi obyektlərin müəyyənləşdirilməsi kriteriyalarının müəyyən edildiyini bildirib. Əsas kriteriya dövriyyə, minimal həcmdir ki, onlar ayda 5 mln. manatdan aşağı olmamalıdırlar. Onlar mehmanxanalarda, beynəlxalq və şəhərdaxili sərnişindaşınmaları billetlərinin satışı üzrə müəssisələrdə, avtovağzallarda, əyləncə obyektlərində quraşdırılacaq.