Azərbaycan-İran İnvestisiya Fondunun yaradılması maraqlı ideyadır. Trend in xəbər verdiyi kimi, bu barədə iqtisadi inkiaf naziri Heydər Babayev bildirib. İnvestisiya Şirkəti və Fondunun yaradılması təşəbbüsünü İranın sənaye və mədən naziri Əlirza Təhmasebi iyunun 2-də nazir Heydər Babayevlə görüşündə irəli sürüb. Nazirin sözlərinə görə, şirkətin təsis olunması məsələsi prioritet ola bilər və hazırda bu məsələyə baxılır. Konkret təkliflər keçirilməsi bu il gözlənilən Azərbaycan-İran hökumətlərarası komissiyasının 7-ci iclasında müzakirəyə çıxarıla bilər.
1993-2005-ci illərdə İran iş adamları Azərbaycanın iqtisadiyyatına $356 mln sərmayə qoyub. İran Azərbaycanda sement istehsalının təşkili, kənd təsərrüfatı texnikası (kombayn və traktor) istehsalı, elektrik stansiyaları üçün turbinlərin quraşdırılması, metallurgiya və digər sahələri əməkdaşlığın prioritet istiqamətləri hesab edir. Bu məqsədlə iranlı nazir müştərək İnvestisiya Fondunun yaradılması təklifini irəli sürüb.
