Dövlət Statistika Komitəsinin məlumatına görə, 2006-cı ilin yanvar-iyun aylarında Azərbaycan nəqliyyat sektoru ilə 67,3 milyon ton müxətlif yük daşınıb, bu isə ötən ilin yanvar-iyun aylarından 9,2% çoxdur. Daşınmış yüklərin ümimi həcminin 55%-i özəl sektorun payına düşür. İlin birinci yarısında yükün ümumi həcmindən 52,5% avtomobil nəqliyyatı, 14,6% boru kəməri, 22,3%-i dəmir yolu və 10,5%-i dəniz nəqliyyatı vasitəsilə daşınıb.
Sərnişin nəqliyyatı ilə 2006-cı ilin yanvar-iyun aylarında 511,6 milyon nəfər daşınıb və bu ötən ilin analoji dövrü ilə müqayisədə 5,4% çoxdür. Onların 83,6%-i özəl sektor vasitəsilə daşınıb.
Dəmir yolu nəqliyyatı vasitəsilə 15 milyon ton müxtəlif yük daşınıb, bu isə 2005-ci ilin yanvar-iyun aylarından 26,8% çoxdur.
Dəniz nəqliyyatı ilə 7,1 milyon ton müxətlif yük daşınıb. Bu, 2005-ci ilin yanvar-iyun aylarından 5,4% çoxdur. Daşınmış yüklərin ümumi həcminin üçdə ikisi neft və neft məhsullarının, qalan hissə isə quru yüklərin payına düşür. 99,6% isə beynəlxalq əməliyyatların payına düşür.
Azərbaycan limanlarında işlənmiş yüklərin həcmi 2006-cı ilin yanvar-iyun aylarında 3,3 milyon ton təşkil edib. Bu, ötən ilin analoji dövründən 6,9% çoxdur. İşlənmiş yüklərin ümumi həcminin 82,1%-i 2,5% azalmış tranzit yüklərin payına düşüb. Bununla yanaşı, idxal yüklərinin həcmi 1,7 dəfə, ixrac yüklərin həcmi isə 2,1 dəfə artıb.
Avtomobil nəqliyyatı ilə 35,4 milyon ton yük daşınıb, bu isə 2005-ci ilin yanvar-iyun aylarından 6,1% çoxdur. Sərnişin daşınmasının həcmi 428,4 milyon nəfər təşkil edib (5,3% artıb).
Metropolitenlə sərnişin daşınmasının həcmi 6,4% artıb və 79,9 milyon nəfər təşkil edib. Trolleybusla daşınma 3,9 dəfə aşağı düşüb və 105 min nəfər təşkil edib.
Hava nəqliyyatı ilə sərnişin daşınması 8,2% artıb və 564,6 min nəfər təşkil edib. Sərnişin daşınmasının bu növünün 5,9%-i qeyri-dövlət sektorunun payına düşür.
Avrasiya nəqliyyat dəhlizi ilə, Azərbaycan ərazisindən keçməklə, yanvar-may aylarında 20,2 milyon ton daşınıb, bu isə ötən ilin yanvar-may ayları ilə müqayisədə 11% çoxdur və respublikaya daşınmış yüklərin ümumi həcminin 37,3%-ini təşkil edir.