Yanvar-avqust aylarında Azərbaycanın bütün nəqliyyat vasitələri ilə 15291,3 min ton yük daşınıb ki, bu da əvvəlki illə müqayisədə 29,39% çoxdur. Ümumi həcmin 8115,2 min tonu ixracın, 7176,1 min tonu isə idxalın payına düşüb. İxrac əməliyyatları üzrə dəniz (4703,9 min ton), dəmir yolu (846,2 min ton), avtomobil (328,7 min ton), hava nəqliyyatı (2,6 min ton) fərqlənib. Boru kəməri ilə isə 2227,4 min ton yük daşınıb.
Azərbaycan ərazisi ilə 4395,1 min ton yük daşınıb. Yüklər əsasən, İsveçrə (1329,4 min ton), İtaliya (1130,9 min ton), Gürcüstan (873,3 min ton), Kipr (112 min ton), Tacikistan (246,1 min ton), Rusiya (125,4 min ton), İran (117,4 min ton), Türkiyə (113,8 min ton) və Türkmənistandan (125,7 min ton) gətirilib. Azərbaycan ərazisi ilə tranzit yükünün ümumi həcmi 77,52% təşkil edib və ya 2005-ci ilin analoji dövrü ilə müqayisədə 1274,7 min ton azalıb.
Bu dövr ərzində Azərbaycanın gömrük orqanları 119044 yük gömrük deklarasiyası rəsmiləşdirib (158913 əlavə vərəqə ilə). Bunun 25837-ci (29695 əlavə vərəqə ilə) ixracın, 93207-si (129218 əlavə vərəqə ilə) ixracın payına düşüb.