Amerikanın Booz-Alen-Hamelton şirkəti MDB ölkələrində fəaliyyətinin genişləndirilməsi planları haqda açıqlama verib. Bu gün Azərbaycan-Amerika biznes-forumunda şirkətin nümayəndəsi Aqil Quluzadə bildirib ki, iki həftə ərzində Booz-Alen-Hamelton şirkətinin Azərbaycandakı nümayəndəliyinin rəsmi açılışı planlaşdırılır. Bu barədə Trend xəbər verir. İndiyədək Birlik ölkələri arasında şirkət Rusiya, Qazaxıstan və Gürcüstanda təmsil olunub.
"Şirkətimiz 19 ildir ki, konsaltinqlə m əşğul olur və 18 mindən artıq əməkdaşı var. Onun göstərdiyi xidmətlərin spektri genişdir - şirkət neft və qaz, aviasiya, turizm, səhiyyə, sığorta sahəsində xidmət göstərir", - deyə A.Quluzadə qeyd edib.
Şirkət Azərbaycanda səhiyyə sahəsində (bioloji hissə üzrə) texniki yardım göstərir və ölkənin özəl və ictimai sektorları ilə maraqlanır. Booz-Alen-Hamelton həmçinin USTDA texniki yardım çərçivəsində Azərbaycanın Ümudünya Ticarət Təşkilatına daxil olması prosesində konsultasiya yardımı da göstərib. Layihə sentyabrın 29-da başa çatıb.