Venesiya Komissiyasının plenar sessiyasında Azərbaycana dair hüquqi rəy qəbul olunacaq. Bu barədə Trend ə Venesiya Komissiyası katibliyinin xarici əlaqələrə dair məsələlər üzrə nümayəndəsi Tatyana Mişelova (Tatiana Muchelova) məlumat verib.
Komissiyanın sessiyası oktyabrın 13-14-də Venesiyada keçiriləcək. T.Mişelova qeyd edib ki, hazırda "Azərbaycanda sərbəst toplaşmaq azadlığı haqqında" qanunun təkmilləşdirilməsinə dair rəyin hazırlanması istiqamətində işlər başa çatmaq üzrədir və qanun bu həftənin sonunda müzakirə olunacaq.
Sənəd qəbul edildikdən sonra fikir mübadiləsi aparmaq üçün Venesiya Komissiyasının ekspertləri və Azərbaycanın hökumət nümayəndələri arasında bir sıra görüşlər təşkil olunacaq.