...

QTİB-in 2010-cu ilə qədərki strategiyasında Azərbaycanda həyata keçiriləcək əməliyyatlara daha çox yer ayrılıb

Biznes və iqtisadiyyat xəbərləri Materials 21 Oktyabr 2006 11:39 (UTC +04:00)

Trend-i buradan izləyin

Trend xəbər verir ki, 2010-cu ilə qədər Qara dəniz Ticarət və İnkişaf Bankının (QTİB) yeni strategiyasına bankın direktorlar şurasının növbəti illik iclasında baxılıb. Bankın Azərbaycan üzrə direktoru, iqtisadi inkişaf nazirinin müavini Mikayıl Cabbarovun verdiyi məlumata görə, səhmdarlar tərəfindən QTİB qarşısında qoyulan tapşırıqlar strategiyada öz əksini tapıb.

Onlardan başlıcası bankın fəaliyyətinin genişləndirilməsidir və 4 il ərzində bankın portfelinin 100% artırılması gözlənilir.

"Bu, çox güclü strategiyadır və onun həyata keçirilməsi üzrə biznes plan da iclasda nəzərdən keçirilib. İdarə heyəti biznes plana bəzi dəyişikliklərin edilməsi barədə qərar qəbul edib və sənəd ilin sonuna kimi yenidən təqdim olunmalıdır", - deyə M. Cabbarov bildirib. Bununla bağlı olaraq QTİB-in direktorlar və rəhbərlər şurasının 2006-cı ilin dekabrın 1-2-də keçiriləcək iclasında həmin biznes planın təsdiqlənəcəyi gözlənilir. Bankın Azərbaycan tərəfdən rəhbəri iqtisadi inkişaf naziri Heydər Babayevdir.

"Banka üzv olan 11 ölkə arasında Azərbaycan ən dinamik inkişaf edən ölkədir və QTİB rəhbərliyi kredit portfelinin genişləndirilməsi ilə bağlı böyük ümidlərin AR ilə bağlı olduğunu gizlətmir. QTİB-in 2010-cu ilə kimi ölkəyə ayıracağı vəsaitlərin həcmi özəl sektordakı layihələrdən asılıdır, amma biznes-strategiyada daha çox yer Azərbaycanla bağlı əməliyyatlara ayrılıb", - deyə M. Cabbarov bildirib.

Əməliyyatların genişləndirilməsi üçün regionda QTİB-in ofisi açılmalıdır. Digər beynəlxalq maliyyə institutları ilə müqayisədə QTİB-in, Yunanıstan istisna olmaqla, regional ofisi yoxdur. "Bu, layihələrin rəqabət qabiliyyətliliyinə təsir göstərir. Amma regional ofislərin açılması ilə bağlı qərar hələ qəbul olunmayıb", - deyə nazir müavini bildirib.

Xəbər lenti

Xəbər lenti