...

Dövlət Statistika Komitəsi statistikanın təkmilləşdirilməsinə dair yeni beşillik proqram hazırlayır

Biznes və iqtisadiyyat xəbərləri Materials 26 Oktyabr 2006 14:50 (UTC +04:00)

Trend-i buradan izləyin

Trend xəbər verir ki, Azərbaycan Dövlət Statistika Komitəsi dövlət statistikasının gələcək təkmilləşdirilməsinə dair yeni proqramın hazırlanmasına başlayıb. Proqram 5 il üçün (2008-2013-cü illər) nəzərdə tutulub. Bugünkü mətbuat konfransında Dövlət Statistika Komitəsinin sədri Arif Vəliyev bildirib ki, yeni proqramın parametrləri hələ ki, müəyyən olunmayıb və onları maraqlı tərəflərlə razılaşdırmaq üçün Nazirlər Kabinetinə təkliflər təqdim etmək nəzərdə tutulub.

Azərbaycanda rəsmi statistikanın təkmilləşdirilməsinə dair hazırkı beşillik proqramın fəaliyyət müddəti 2007-ci ildə bitir. Bu gün Azərbaycanda dövlət statistika sistemi 95 % beynəlxalq standartlara uyğun gəlir, amma onlar da təkmilləşirlər, - deyə A. Vəliyev bildirib. Bu, artıq bu sahədə həyata keçirilən sayca üçüncü proqramdır.

Dövlət Statistika Komitəsinin başçısı hesab edir ki, bu günə qədər qarşıya qoyulan bütün məsələlər yerinə yetirilib. Dövlət proqramında nəzərdə tutulmuş tədbirlər üç maliyyə mənbəyi - dövlət büdcəsi vəsaitləri, AB-nin TASİS proqramı çərçivəsində texniki yardım və İsveçrənin Statistika Bürosu hesabına həyata keçirilir. Dövlət büdcəsindən bu məqsədlərə hər il orta hesabla 300-500 mln. manat vəsait ayrılır.

Dövlət proqramında nəzərdə tutulmuş tədbirlər çərçivəsində gələn il Dövlət Statistika Komitəsi idarələrarası balansların işlənib hazırlanmasına başlamağı planlaşdırır. 2009-cu ildə əhalinin növbəti dəfə siyahıya alınması ilə bağlı hökumətə artıq təkliflər təqdim olunub. Keçən il isə siyahıya alma kənd təsərrüfatında həyata keçirilib.

Xəbər lenti

Xəbər lenti