Azərbaycan Xəzər Dəniz Gəmiçiliyi hal-hazırda Xəzər dənizində 20 mln. ton neft və neft məhsulları daşımağa hazırdır. Neft və neft məhsullarının əhəmiyyətli dərəcədə artacağı təqdirdə Azərbaycan Xəzər Dəniz Gəmiçiliyi yeni tankerlərin cəlb olunması imkanlarını nəzərdən keçirə bilər. Trend in xəbər verdiyi kimi, bu barədə bu gün Azərbaycan Dövlət Xəzər Dəniz Gəmiçiliyinin rəisi Aydın Bəşirov bildirib.
Hal-hazırda ağırlığı 13 min ton olan tankerlər İranın Neka limanına neft və neft məhsulları daşıyırlar. Bu liman belə tankeri qəbul etmək iqtidarında deyil. Ona görə də kiçik tankerlər istifadə edilməklə reyd boşaldılması həyata keçirilir. Başqa ölkələr Xəzərdə bu cür əməliyyatları həyata keçirə bilmirlər, çünki onların kiçik tankerləri yoxdur. Adıçəkilən layihənin gerçəkləşdirilməsi üçün gəmiçilik bu əməliyyatların təhlükəsiz həyata keçirilməsi üçün Dubaydan xüsusi avadanlıq alıb.
Əgər yeni tankerlər alınarsa, onda onlar Rusiyanın "Krasnoye Sormovo" gəmiqayırma zavodunda sifariş olunan gəmilərin eyni olacaq. Bunlar "Heydər Əliyev" layihəsi tankerləridir. Həmin layihənin tankeri "çay-dəniz" sinfinə aiddir, 12 yük tankı və bir durulducu takla təchiz olunub. Tankerin uzunluğu 152 m, eni isə 17,30 m-dir. Köyərtəsinin hündürlüyü 10,5 m, suya oturma dərəcəsi 6,99 m, tam yüklənmiş halda üzmə sürəti isə10 düyündür. Tankerin ağırlığı 13 min tondur ki, bu da Xəzərdə sərbəst ismismar oluna bilən gəmi üçün maksimal göstəricidir.
Bununla belə, tankerlərin alınması, əgər qiymət dəyişməz qalarsa, həyata keçiriləcək. Bu seriyadan olan ilk üç tanker 13 mln. 800 min dollara, axırıncı iki ədəd isə 15 mln. 640 min dollara alınıb. Hal-hazırda onlar zavod tərəfindən 20 mln. dollardan aşağı olmamaqla təklif oluna bilər.
