Oktyabrın 29-dan martın 24-dək airBaltic aviaşirkəti qış iş qrafiki ilə əlaqədar Bakıdan Riqaya həftədə iki reys həyata keçirəcək. Bu reyslər hər həftənin bazar ertəsi və cümə axşamları həyata keçiriləcək. Trend xəbər verir ki, bu barədə şirkətdən məlumat verilib.
Oktyabrın 29-dan martın 24-dək yeni təyinat məntəqələri və dörd marşrut üzrə uçuşların sayının artırılması ilə airBaltic şirkətinin qış mövsümü üçün uçuş cədvəli qüvvəyə minir. Qış mövsümündə airBaltic Riqadan 33, Vilnüsdən isə 12 birbaşa uçuş, eləcə də Kalininqrad və Kopenhagen arasında birbaşa reys həyata keçirəcək.
Qışda airBaltic şirkətinin Riqadan dörd istiqamət üzrə uçuşlarının sayı artacaq. İş günləri airBaltic gündə iki dəfə, bazar günləri isə -bir dəfə Berlinə uçuş həyata keçirəcək. airBaltic Tbilisiyə həftədə üç dəfə uçacaq, öz növbəsində, Sankt-Peterburqa uçuşların sayı həftədə 11 reysə qədər artırılacaq. Qış mövsümündə Stokholma gündə üç uçuş həyata keçiriləcək - qrafik nahardan sonrakı uçuşla tamamlanacaq.