Azərbaycan İnvestisiya Şirkətinin (AİŞ) özəlləşdirməsi ilə bağlı planlar bu gün aktual sayılmır. Bu haqda Trend məlumat verib. İqtisadi inkişaf naziri Heydər Babayev bildirib ki, AİŞ-in investisiya portfelinin olmaması şəraitində onu investorlara təklif etmək düzgün olmazdı.
"Mən əminəm ki, investisiya şirkəti yüksək gəlirli şirkət olacaq. Onu yaradan zaman biz düşünmürdük ki, 100% dövlət mülkiyyəti kimi saxlayacayıq. Başqa dövlətlərdə olduğu kimi, səhmlər buraxmağı və açıq bazarda təklif etməyi düşünürük ". Onun sözlərinə görə, o şəffav olmalı və səhmdarları maksimal dərəcədə cəlb etməyi təmin etməlidir.
İnvestisiya şirkəti fəaliyyətinin ilk illərindən dövlətə dividendləri təmin etmək niyyətindədir. Bu haqda şirkətin icraçı direktoru Anar Axundov xəbər verib. A.Axundov bildirib ki, bununla bağlı kapitalda yenidən yaradılan müəssisələrin iştirak etdiyi halda AİŞ gələcək səhm paketini baha satmaq niyyətindədir.
