İqtisadi İnkişaf Nazirliyinin (İİN) Sahibkarlığın inkişafı departamenti Fransa iqtisadiyyat missiyasının dekabrın 5-6-da Fransanın NEDEF İnternational sahibkarlar və istehsalçılar peşəkar birliyi tərəfindən təşkil olunmuş səfərinə hazırlaşır.
Departamentin müdiri Samir Nuriyevin Trend ə verdiyi xəbərə görə, NEDEF öz məktubunda xəbərdarlıq edir ki, onların şirkəti Azərbaycan prezidenti İlham Əliyevin bu il Fransaya səfəri zamanı ondan ölkəyə dəvət alıb.
Nümayəndə heyətinə NEDEF-də Mərkəzi Asiya və Qafqaz ölkələri üzrə rəhbər Kristian Mons başçılıq edir. Heyətə 17 şirkət daxildir. Onların arasında avtomobil istehsalçısı CITRA Enn, Societe General, Gaz De France, Ess Elor (optik şüşə istehsalında lider), Caylon (bank sahəsində ixtisaslaşır), BNP Paribas və b. var.
Səfər zamanı biznes-forumun keçirilməsi planlaşdırılır. "Fransa investorları Azərbaycanda kommersiya tərəfdaşlığında maraqlıdırlar. Lakin dövlət orqanları ilə də görüşmək istəyi var", - deyə S.Nuriyev qeyd edib.
