Xarici bazarlarda qiymətli kağızların əldə olunması üçün Azərbaycan qanunvericiliyinin liberalizasiyası nəzərdə tutulub. Qiymətli Kağızlar Üzrə Dövlət Komitəsinin ( QKDK) rəhbəri Gündüz Məmmədova istinadən, Trend məlumat verir ki, prezident yanında hazırda bu istiqamətdə Azərbaycan Milli Bankı ilə məsləhətləşmələr aparılır. Vahid sənəd hələ işlənib hazırlanmayıb, lakin 2007-ci il ərzində qanunvericiliyin liberalizasiyasını aparmaq mümkün olacaq.
O cümlədən, "Valyutanın nizamlanması barədə" Qanunda qiymətli kağızların investisiyalaşdırılması məqsədilə sərhəddən pul vəsaitlərinin keçməsinə icazənin əldə olunması ilə bağlı düzəliş haqqında da məsləhətləşmələr aparılır. Müvafiq olaraq icazə Milli Bankdan tələb olunmalıdır. Ümumilikdə, G. Məmmədov hesab edir ki, Azərbaycanın qiymətli kağızlarının xarici kapital bazarlarına çıxışı və AR və digər dövlətlərin qanunvericiliyinə uyğun olaraq vətəndaşların xarici emitentlərin qiymətli kağızlarını əldə etməsi ilə bağlı problem yoxdur. Lakin bəzi təşkilati maneələr yarana bilər. Belə ki, müxtəlif ölkələrdə "Valyuta nizamlanması barədə" qanunvericiliyində və bazara qiymətli kağızların daxil olması və ölkədən kənarda yerləşdirilməsinin müxtəlif norma və şərtləri mövcuddur. "Bəzi hallarda onlar müvafiq hesab olunmur. Hesab edirəm ki, bu qlobal maneə deyil və onların aradan qaldırılması istiqamətində müxtəlif dövlətlərin müvafiq orqanları ilə iş aparırıq. O cümlədən, bu istiqamətdə məsləhətləşmələr Qazaxıstanla
da aparılır. Problemlər aradan qaldırılaraq həll olunacaq" - QKDK rəhbəri hesab edir. Bununla yanaşı, onun fikrincə, ilkin mərhələdə yerləşdirmənin böyük həcmi barədə danışmağa dəyməz.