Azərbaycan,Bakı/müxbir Trend İ.Xəlilova/Beynəlxalq Valyuta Fondunun Yaxın Şərq və Mərkəzi Asiya ölkələri ilə iş üzrə Departamentinin direktor müavini Vitali Kramerkonun başçılığı altında missiyasının Azərbaycana səfəri avqustun sonu-sentyabrın əvvəlində gözlənilir. Bu barədə bazar ertəsi Fondun Bakı nümayəndəliyinin rəhbəri Bazel Zavoyko məlumat verib.
Səfər zamanı qonaqlar həmçinin 2008-ci il üçün büdcə proqnozlarının formalaşdırılması prosesləri, makroiqtisadi vəziyyət, inflyasiya artımının qarşısının alınması üzrə təbirlərlə tanış olacaq.
Maliyyə Nazirliyi artıq hökumətə dövlət büdcəsinin ilkin variantını təqdim edib.
BVF hələ 2007-ci il üçün büdcənin hazırlandığı vaxtda dövlət xərclərinin artım tempini ixtisar etməyi təklif edib. Lakin hökumət bu mərhələdə bu cür düzəlişin aparılmasını effektiv hesab etməyib və 2008-ci ildən başlayaraq büdcə xərclərinin artım tempini ixtisar etməyə və bu prosesi 2009 və 2010-cu illərdə fəal aparmağa razı olub.
Valyuta fondu Azərbaycana büdcə proqnozlaşdırılmasının mümkün ssenarilərini təqdim edib. Ölkəyə yardım makroiqtisadi modelin qurulması istiqamətində göstəriləcək. Bu modellər büdcə proqnozlarının formalaşdırılmasının əsasını təşkil edəcək. Bununla belə, inflyasiya üzrə tam proqnoz göstəriciləri dövlət büdcəsinin proqnoz göstəriciləri ilə üst-üstə düşməlidir. BVF-nin ekspertləri belə hesab edir.
2007-ci il üçün dövlət büdcəsinin gəlirləri 5 mlrd. 335,7 mln. manat səviyyədə, xərclər 5 mlrd. 714,7 mln., defisit 379 mln. manat və ya ÜDM-ə 1,7 faiz təsdiq olunub.