Azərbaycan, Bakı/ Trend müxbir S.Babayeva/ Əmək və Əhalinin Sosial Müdafiəsi Nazirliyi Şəki və Yardımlı rayonlarında əmək yarmarkaları keçirib. Nazirliyin Baş Məşğulluq idarəsindən verilən məlumata görə, Şəkidə 55, Yardımlıda 43 nəfər olmaqla ümumilikdə 98 nəfər işlə təmin olunub.
Yarmarkaya Şəkidə 20 müəssisə, 367 vakant yer təklif edib.
Yardımlıda isə yarmarka 13 müəssisənin iştirakı ilə keçirilib. 343 yer təklif edilib. Hazırlıq kurslarına 12 nəfər göndərilib.
İlin əvvəlindən Naxçıvan Muxtar Respublikası da daxil olmaqla Əmək Nazirliyi Azərbaycanın 14 rayon və şəhərində əmək yarmarkaları keçirib.1053 nəfər işə qəbul olunub.
125 nəfər hazırlıq kurslarına göndərilib, 120 nəfər ödənişli ictimai işlərə qəbul olunub. Yarmarkalarda iştirak edən 474 şirkət tərəfindən 4658 vakant yer təklif lolunub.
2006-cı ildə Əmək nazirliyi Azərbaycanın müxtəlif regionlarında, həmçinin NMR-də 40-dan çox yarmarka keçirib. Nəticədə 7,8 min nəfər işlə təmin olunub.