Azərbaycan, Bakı/ Trend müxbir İ.Xəlilova/Birinci yarımilin yekunlarına əsasən, Azərbaycan Milli Bankının (AMB) sərəncamında olan rəsmi valyuta ehtiyatları 2477,1 mln. manat. təşkil edib. Bu barədə AMB-dən məlumat verilib. İlin əvvəli ilə müqayisədə 25,9 faiz artım müşahidə olunub. Ötən ilin yekunlarına əsasən, valyuta ehtiyatları 1,967 mlrd. dollar təşkil edib.
Ilkin hesablamalara görə, 2007-ci ilin yekunlarına əsasən, AMB-nin ehtiyatları təqribən 1 mlrd. dollar artacaq. Vəsaitlərin artması ilə əlaqədar AMB valyuta ehtiyatlarının idarə olunması üçün xarici menecerlərin siyahısının genişləndirilməsi imkanlarını nəzərdən keçirir. Milli Bankın idarə heyətinin sədri Elman Rüstəmonv bildirib ki, xarici idarəetməyə daha 200 mln. dollar vermək olar və ümumilikdə bu portfeli 0,5 mlrd. dollara çatdırmaq daha real olardı.
Hazırda üç menecerin - Dünya Bankının Xəzinədarlığı, İsveçrənin UBS bankı və JP Morgan (Amerikan) idarəçiliyində 270 mln. dollar vəsait var. Vəsaitlərin qeyri-effektiv idarə olunması ilə əlaqədar olaraq Milli Bank Hollandiyanın ABN Amro bankı ilə olan müqaviləni ləğv edərək, həmin vəsaitləri UBS-in sərəncamına verib.
DB-nin sərəncamında 110 mln. dollar, UBS-də 105 mln. dollar, JP Morgan-da 55 mln. dollar vəsait var.
