Azərbaycan, Bakı /müx. Trend S.Babayeva/ Azərbaycanın kənd təsərrüfatı naziri İsmət Abbasov Türkiyəyə səfər edəcək. Nazirlikdən verilən məlumata görə, Abbasovun səfərinin başlıca məqsədi BMT Ərzaq və Kənd Təsərrüfatı Təşkilatının (Food and Agriculture Organization of the United Nations- FAO) Ankarada subregional ofisinin açılış mərasimində iştirak etməkdir. Bu ofis vasitəsilə qurum Türkiyə, Azərbaycan və Orta Asiyanın beş ölkəsini koordinasiya edəcək.
Açılış mərasimi iyulun 11-də baş tutacaq.
FAO BMT-in ilk ixtisaslaşmış müəssisəsidir. Bu struktur 1945-ci il oktyabrın 16-da yaradılıb. Onun 150-dən sox əməkdaşı var. Qurumun məqsədi kənd təsərrüfatı, qida məhsullarının istehsalı, meşə və balıq emalı sənayesi məhsullarının istehsalı sahəsində texniki yardım göstərməkdir. FAO-nun mənzil-qərargahı Romada yerləşir.
Azərbaycan 1995-ci ilin oktyabrından FAO-nun üzvüdür.
