Azərbaycan, Bakı, 30 may/ Trend , müxbir Y.Əliyev/ SOCAR (Azərbaycanın Dövlət Neft Şirkəti)/Turcas Petrol/İnjaz Projects Şirkətlər Alyansı birinci mərhələ ərzində Türkiyənin Petkim neft-kimya holdinqinə sərmayə qismində $3 mlrd. yatıracaq. Bu barədə cümə günü Turcas-ın icraçı direktoru Erdal Aksoy məlumat verib. Cümə günü Petkim-in səhmlərinin 51 faizinin tenderin qalibi olmuş və səhmlərə görə $2,04 mlrd. təklif etmiş SOCAR/Turcas/Injaz Şirkətlər Alyansına verilməsi mərasimi keçirilib.
Azərbaycanın Dövlət Neft Şirkətinin rəhbəri Rövnəq Abdullayevin bildirdiyinə görə, bu, şirkətin ölkədən kənarda ən iri yatırımıdır. ARDNŞ Azərbaycandan kənarda layihələrin reallaşdırılmasını davam etdirmək niyyətindədir.
Şirkətlər Alyansı səhmlərin $2,04 mlrd. ümumi dəyərinin $1,660 mlrd.-nı artıq ödəyib. Aksoy qalan $380 mln.-ın üç il ərzində ödəniləcəyini bildirib.
Turcas-ın icraçı direktorunun sözlərinə görə, yeni idarəçi şirkət heç bir işdənçıxarma aparmaq niyyətində deyil. Şirkətin Petkim-in inkişafı üzrə planları əksinə əlavə əməkdaşların cəlb edilməsini nəzərdə tutur. "Hazırda müəssisədə təqribən 3000 nəfər çalışır. Birinci əmrlə şirkətə daha 40 nəfər cəlb olunacaq", - Aksoy bildirib.
SOCAR/Turcas/Injaz-ın Petkim-istehsalat imkanlarının müasirləşdirilməsinə sərmayələri bu müəssisənin Türkiyə bazarındakı rolunu hazırki 27 faizdən 40 faizədək artıracaq. Hazırda Türkiyə lazımi kimya məhsullarının 70-75 faizini idxal edir. SOCAR/Turcas/Injaz-ın Petkim-in inkişafına sərmayələri məhsul idxalını 30 faizədək azaltmağa imkan verəcək. Hər il Türkiyə bazarında kimya məhsullarına olan təlabat 12 faizədək artır.
Dövlət Neft Şirkətində hesab edirlər ki, sərmayələr beş-altı il ərzində özünü doğrulda bilər və hər şey bazarın konyukturasından asılı olacaq. SOCAR/Turcas/Injaz Türkiyədə, Petkim-in istehsalat obyektlərinin yaxınlığında kimya müəssisələrini xammala təmin etmək üçün NEZ tikmək niyyətindədir. NEZ-in güman edilən illik emal gücü 6 mln. ton neft təşkil edəcək.
Petkim plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddə birini ixrac edir.
Müəlliflə əlaqə saxlamaq üçün elektron ünvan: [email protected]
