Azərbaycan, Bakı, 03 iyun / Trend , müxbir A.Bədəlova/ "Caspian Drilling Company" (CDC) Azərbaycan-Amerika Birgə Müəssisəsi (BM) gələn həftə "İstiqlal" qazma qurğusunu "Şahdəniz" yatağında beşinci kəşftiyyat quyusunun (SDX-5) qazma nöqtəsinə çatdıracaq. Bu barədə çərşənbə axşamı CDC-nin əməliyyat meneceri Pol Conson (Paul Johnson) məlumat verib.
" "İnam" strukturunda ikinci kəşfiyyat quyusunun ləğv edilməsi prosesinin başa çatmasından sonra, gələn həftə biz SDX5 quyusunda işlərə başlamaq üçün qurğunun yerini dəyişdirəcəyik", - deyə Conson bildirib.
CDC BP-nin "Şahdəniz" və "İnam" layihələri üzrə qazma podratçısıdır.
"Şahdəniz"də SDX-5 quyusunun qazılmasına 150-180 gün sərf olunacaq. Bu hazırda 1 trln. kubmetrə çatan yatağın ehtiyatlarını dəqiqləşdirməyə imkan yaradacaq. O, SDX-5 quyusunun layihə dərinliyini açıqlamayıb.
CDC-nin iki həftə əvvəl ikinci quyunun ləğvinə başladığı "İnam" dəniz strukturunda apardığı qazma işləri kommersiya cəhətdən karbohidrogen ehtiyatları aşkar etməyib. Quyunun qazma işləri zamanı BP praktiki olaraq, 5350 metr layihə dərinliyinə çatıb.
ARDNŞ (50 faiz), BP (25 faiz, layihə operatoru), Koreya Milli Neft Korporasiyası (20 faiz) və "Shell" (5 faiz) "İnam" layihəsinin iştirakçılarıdır.
Layihə iştirakçıları bunlardır: BP (operator- 25,5%), Statoil (25,5%), NICO (10%), Total (10%), LUKAgip (10%), TPAO (9%), ARDNŞ (10%).
