...

İyunda Bakı-Tbilisi-Ceyhan neft kəməri ilə Qazaxıstan neftinin nəqli artacaq

Energetika Materials 14 May 2009 12:25 (UTC +04:00)

Azərbaycan, Bakı, 14 may / Trend , müxbir E.İsmayılov /

Amerika və Qazaxıstanın Tengizchevroil Birgə Müəssisəsi iyunda Türkiyənin Ceyhan limanından "Tengiz" yatağından çıxarılan 1,2 mln. Qazaxıstan neftini tədarük edəcək. Bu göstərici mayda 600 min barel təşkil edib.

Energy Intelligence Group agentliyi trəfindən Trend -a təqdim olunan tədarük cədvəlinə əsasən, iyunda Ceyhandan iki Tengiz nefti partiyası ixrac olunacaq. Birinci partiya iyunun 2-4-də, ikinci partiya isə 21-23 iyunda göndəriləcək.

Amerikanın ChevronTexaco şirkəti 2008-ci ildə BTC ilə Tengiz neftini nəql etməyə başlayıb. Sazişə əsasən, Tengiz nefti Bakı-Tbilisi-Ceyhan boru kəməri və dəmir yolu ilə Gürcüstanın Kulevi və Batumi limanlarına nəql olunacaq.

ChevronTexaco Qazaxıstanın "Tengiz" yatağının operatorudur.

"BTC Co"nun səhmdarları: BP (30,1 faiz); "AzBTC" (25 faiz); "Chevron" (8,9 faiz); "StatoilHydro" (8,71 faiz); "TRAO" (6,53 faiz); "Eni" (5 faiz); "Total" (5 faiz); "Itochu" (3,40 faiz); "Inpex" (2,5 faiz); "ConocoPhillips" (2,50 faiz) və "Hess" (2,36 faiz).

Gürcüstanın Qara dəniz Kulevi terminalının sahibi Azərbaycan Dövlət Neft Şirkəti, Batumi limanının sahibi isə "KazMunayqaz"dır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti