Azərbaycan, Bakı, 19 may / Trend , müxbir E.İsmayılov /
"Bakıelektrikşəbəkə" ASC yay ayları ərzində Bakının Nərimanov rayonunda istifadə olunmuş elektrik enerjisinə görə ödəmənin əl terminalları vasitəsilə həyata keçirilməsi sisteminə başlayacaq", - çərşənbə axşamı SC-nin texnoloji informasiya şöbəsinin rəhbəri Qalib Həmidov deyib.
"Sistem artıq testləşdirmədən keçib və bir neçə ay ərzində artıq ondan tam istifadə olunacaq. Sistem ilk dəfə Bakının Nərimanov rayonunda tətbiq olunacaq", - Həmidov bildirib.
Hazırda SC-nin balansında 380 belə terminal var. Onların sayı 420-yə qədər artırılacaq. Bu terminallar abunəçilərin borcunu məsafədən müəyyən etmək, eləcə də əməkdaşların işinin monitorinqini aparmaq imkanı verir.
Hazırda SC abunəçiləri arasında ödəmələr bir neçə yolla həyata keçirilir: banklar, poçt şöbələri, həmçinin SC-nin rəsmi internet saytı (bu sistem mayın əvvəlindən işləməyə başlayıb) vasitəsilə.
Ödəmələr həmçinin, insanların toplu şəkildə yığıldığı yerlərdə, böyük ticarət mərkəzlərində, metroda qurulmuş POS-terminallardan istifadə yolu ilə də həyata keçirilir.
"Hazırda onların sayı 400 ədəddir. Bu rəqəmin iki minə qədər artırılması planlaşdırılır", - Həmidov qeyd edib.
Məqalə müəllifi ilə əlaqə ünvanı: [email protected]
