...

OPEK 2010-cu ildə Azərbaycan tərəfindən neft tədarükünün 13 faiz artacağını proqnozlaşdırır

Energetika Materials 17 İyul 2009 18:56 (UTC +04:00)
OPEK 2010-cu ildə Azərbaycan tərəfindən neft tədarükünün sutkada 0,13 milyon barel artaraq 1,12 milyon barelə çatacağını proqnozlaşdırır.

Azərbaycan, Bakı, 17 iyul / Trend , müxbir А.Bədəlova /

OPEK 2010-cu ildə Azərbaycan tərəfindən neft tədarükünün sutkada 0,13 milyon barel artaraq 1,12 milyon barelə çatacağını proqnozlaşdırır.

OPEK-in proqnozlarına görə, 2010-2011-ci illərdə "Azəri-Çıraq-Günəşli" yataqlar blokunda neft hasilatının həcmi sutkada 1-1,2 milyon barelə çatacaq. Üçüncü rübdə Azərbaycanın neft tədarükünün həcmi sutkada 1,13 milyon, dördüncü rübdə isə 1,19 milyon barelə çatacaq. 2009-cu ildə Azərbaycanın neft tədarükünün həcmi sutkada 90 min barel artaraq 0,99 milyon barelə çatacaq.

OPEK-in proqnozlarına görə, Qazaxıstanın neft tədarükləri 0,11 milyon barel artaraq sutkada 1,6 milyon barel təşkil edəcək. Üçüncü rübdə tədarükün həcmi 1,56 milyon, dördüncü rübdə isə 1,64 milyon barel olacaq.

OPEK-in proqnozlarına görə, kartelə daxil olmayan ölkələr, 2010-cu ildə sutkada 50,9 milyon barel neft tədarük edəcək ki, bu da 2009-cu ildəkindən 0,3 milyon barel çoxdur. Artım əsasən Braziliya, ABŞ, Azərbaycan, Qazaxıstan və Kanadanın hesabına mümkün oacaq. OPEK-in proqnozlarına görə, Meksika, Böyük Britaniya, Norveç və Rusiyada tədarük həcminin azalması müşahidə ediləcək.

2009-cu ildə OPEK-ə daxil olmayan ölkələrin tədarük həcmi 230 min barel artaraq 50,62 milyon barelə çatacaq.

İyunda OPEK-in tədarük həcmi 28,4 milyon barel təşkil edib ki, bu da ötən ayın rəqəmlərindən 39 min barel çoxdur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti