Azərbaycan, Bakı, 28 sentyabr / Trend /
Azərbaycan Dövlət Neft Fondu hasilatın bölüşdürülməsi haqqında müqavilə (PSA) çərçivəsində xarici şirkətlər və digər təşkilatlar tərəfindən təqdim edilən aktivlərin satışını elan edib. Bu barədə fondun məlumatında deyilir.
Satışının elan olunduğu aktivlərə 1220 millimetr diametrli sökülmüş dəmir borular, müxtəlif ölçüdə borular, polad təbəqələr, şveller, tirlər, neft-qaz quyularının qazılması üçün müxtəlif materiallar və elementlər, ehtiyat hissələri, eyni zamanda izolyasiya materialları və digər aktivlər daxildir.
Yuxarıda sadalanan aktivlərin alınmasında maraqlı olan şəxslər bu il oktyabrın 5-nə kimi ADNF-a müraciət edə bilərlər.
Əlavə məlumat əldə etmək üçün ADNF-in aktivlərlərlə iş üzrə şöbəsinin başçısı Emin Qasımova müraciət etmək olar.
Əlaqə telefonları : (012)497 08 25, 497 08 26 (daxili- 108).
