Qazaxıstan, Astana, 05 oktyabr / Trend , müxbir K.Konırova/
"Turqay Petroleum" SC-nin 2009-cu il ərzində planlaşdırılan hasilat həcmi 3 milyon 223,7 min təşkil etməlidir, bu barədə Trend a SC-nin Baş Direktoru Alik Aydarbayev bildirib.
"2008-ci ildə şirkətimizin hasilat həcmi 3 milyon 255,272 min ton təşkil edib, bu il biz hasilatımızı 3 milyon 223,748 min tona çatdırmaq istəyirik", - Aydarbəyov bildirib.
Onun sözlərinə əsasən, "Turqay Petroleum" SC tərəfindən işlədilən Kumkol yatağında neft hasilatının həcminin azalması təbiidir və 2010-cu ilə kimi bu göstərici 3 milyon tona kimi azalacaq.
Aydarbəyev həmçinin bildirib ki, respublika üzrə neft hasilatının ən yüksək əmsalı (təxminən 58 faiz) bu yataqda qeydə alınır, Qazaxıstan üzrə bu göstərici 25 faiz təşkil edir.
"Neft verilşində bu cür yüksək əmsalın səbəbi təkcə bizim müasir hasilat üsullarından istifadə etməyimizdən ibarət deyil, eyni zamanda bizim iki əsas yatağımızın - Kumkol və Akşibulaxın təbii xüsusiyyələrindən asılıdır. Bu il biz əlavə 40 quyu qazmağı planlaşdırırıq, sözügedən quyular neft verilişinin əmsalının artmasına yardım etməlidir", - bu barədə "Turqay Petroleum" SC-nin baş direktoru bildirib.
Kumkol yatağının işlənməsi üzrə operator "Turqay Petroleum" "Lukoyl Oversiz" və PetroKazakhstanın ( CNPC qrupu) bərabər nisbətində yaradılan birgə müəssisədir.
Yataq 1984-cü ildə açılıb. "Turqay Petroleum" Kumkolda 1995-ci ildən işləyir. Qalıq ehtiyatlar 20 milyon tondan çoxdur.
Məqalə müəllifi ilə əlaqə ünvanı: [email protected]
