Azərbaycan, Bakı, 08 oktyabr / Trend /
"İranda sutkada 4,2 milyon barel neft sərf edilir, - ölkə Prezidenti Mahmud Əhmədinejad bildirib. - Bu, Şərq və Qərbin böyük dövlətlərinin sərf etdiyindən də çoxdur". Məlumatı İranın IRNA agentliyi yayıb.
Əhmədinejad bildirib ki, bu həcmdə istifadə edilən neftin dəyəri 110 milyard dollar təşkil edir. "Ölkədə bütövlükdə 100 milyon ton kənd təsərrüfatı məhsulları istehsal olunur ki, onun da dəyəri 50 milyard dollar təşkil edir", - o deyib.
Əhmədinejad ölkədə iqtisadi islahatların keçirilməsinin vacib olduğunu bildirib. Onun sözlərinə görə, bunun üçün prezidentə islahatların həyata keçirilməsində hökuməti dəstəkləməli olan xalqın istəyi lazımdır.