Azərbaycan, Bakı, 08 oktyabr / Trend , müxbir E.İsmayılov/
TRACECA nəqliyyat dəhlizi iştirakçı ölkələrinin nəqliyyat administrasiyaları tarif məsələlərini və sərhədlərin keçilməsinin asanlaşdırılması məsələlərini həll etməlidirlər, bu barədə cümə axşamı TRACECA-nın Azərbaycandan olan milli katibi Akif Mustafayev bildirib.
"Əsas odur ki, TRACECA-ya daxil olan olan ölkələr ikitərəfli və ya çoxtərəfli formatda nəqliyyat nazirləri, bu sahə üzrə qurum rəhbərləri səviyyəsində görüşməli, tariflərin yüngülləşdirilməsi, güzəştli tariflərin tətbiqi, sərhədlərin keçilməsi məsələlərini həll etməlidirlər ", - Mustafayev bildirib.
Mustafayevin qeyd etdiyi kimi, TRACECA-nın bəzi üzv dövlətləri layihə çəçivəsində passivlik göstərir və belə hesab edirlər ki, bu dəhliz olmadan belə digər rəqib marşrutlar üzrə işləyə bilərlər. "Düşünürəm ki, bu heç də düzgün mövqe deyil. Biz etiraz etmirik, qoy digər dəhlizlər üzrə işləsinlər, mən onları altenativ adlandıra bilmərəm, onları yalnız rəqib dəhliz adlandıraram. Lakin onlar TRACECA-ya maksimum diqqət ayırmalıdır", - Mustafayev bildirib.
Heç bir ölkə 1988-ci ildən TRACECA-dan çıxması barədə istəyini bildirməyib. Bu dəhliz üzrə iştirarkçı ölkələrin sayı artır.
TRACECA iştirakçıları üçün Avropa Komissiyası tərəfindən maliyyələşdirilən layihələrin yerinə yetirilməsi, dəhliz üzrə işlərdə güəştlərin əldə olunması nəzərdə tutulur. "Bu halda bizim bütün ölkələrə nəqliyyat dəhlizində öz iştiraklarını fəallaşdırmağı təklif etmək, hətta tələb etmək haqqımız var", - Mustafayev bildirib.
Rusiya ərazisindən keçən rəqib şimal dəhlizi üzrə ən aşağı tariflər və az sərhəd keçilməsibu dəhlizə üstünlük verir. TRACECA-nın iştirakçıları müxtəlif inkişaf səviyyəsinə malik 13 ölkədir. Bəzi ölkələr Avropa İttifaqına daxildir, digərləri Qafqaz və Asiyada yerləşir. "Prosesləri razılşadırmaq elə də asan deyil. Həm də bu məsələ həll olunur, düzdür, o qədər tez olmasa da, amma həll olunur", - Mustafayev bildirib.
Məqalə müəllifi ilə əlaqə ünvanı: [email protected]