Azərbaycan, Bakı, 3 avqust /Trend, müxbir E.İsmayılov/
Azərbaycanda xarici şirkətlərlə neft-qaz yataqlarının kəşfiyyatı, hasilatı və bərpası üzrə imzalanan bütün sazişlər çərçivəsində 31 milyard dollar investisiya yatırılıb. Bu barədə "Respublika" qəzetinə müsahibəsində ARDNŞ-nin birinci vitse-prezidenti Xoşbəxt Yusifzadə deyib.
Xarici şirkətlər Azərbaycanda "Azəri-Çıraq-Günəşli" neft-qaz dəniz yataqları bloku və "Şahdəniz" qaz-kondensat yatağı kimi iri enerji layihələrində iştirak edirlər.
Onun sözlərinə görə, karbohidrogenlərin təsdiq edilən ehtiyatlarına və 2015-ci ildə açılacağı planlaşdırılan yataqların potensialına əsaslanaraq, Azərbaycanda neft hasilatının 60 milyon tona, qaz hasilatının isə 34 milyard kubmetrə çatdırılması planlaşdırılıb.
Hazırda ARDNŞ-nin həm müstəqil, həm də xarici şirkətlərlə birgə səyləri "Abşeron", "Asiman", "Məşəl", "Naxçıvan", "Ümid", "Şəfəq", "Zəfər" perspektiv strukturlarında neft-qaz obyektlərinin tapılmasına yönəlib.