Azərbaycan, Bakı, 23 oktyabr /Trend, müxbir E.İsmayılov/
Avropa Komissiyası noyabrın 17-də Brüsseldə 2020 və 2030-cu illərdə enerji infrastrukturunun prioritet istiqamətləri planının yekun variantını təqdim edəcək. Bu barədə "Nabukko" qaz kəməri konsorsiumunun rəsmi İnternet-saytında məlumat verilib.
Noyabrda təqdim olunacaq bu hesabat və bu məsələ üzrə AK-nın bundan əvvəl yayılan ilkin baxışları energetika sektoru üçün xəbərdarlıqdır. Həmçinin, son 10 ildə yalnız infrastrukturun inkişafına bir trilyon avro sərmayə yatırılmasının zərurliyinin elan edilməsindən sonra, yarana biləcək mümkün sarsıntının qarşısını almaq məqsədilə planların qeyd edilməsidir.
Məlumatda deyildiyi kimi, Avropa Komissiyası energetika və iqlim sahəsində Avropanın maraqlarına uyğun gələn yeddi prioritet layihəni müəyyən edib. Layihələrə Xəzər hövzəsindən, Mərkəzi Asiyadan və Yaxın Şərqdən, Baltik birləşdirici qaz kəməri, həmçinin, Mərkəzi-Şərqi Avropa və Cənubi-Şərqi Avropadakı Şimal-Cənub qaz kəmərləri daxil edilib.
Avropa KİV-in verdiyi məlumata görə, energetika məsələləri üzrə Avropa komissarı Günter Ottinger bir az əvvəl planın qaralama variantını təqdim edib. Planda Avropaya yeni qaz nəqli marşrutları ilə yanaşı, yaradılması artıq mövcud enerji infrastrukturunun modernləşdirilməsi, alternativ və bərpa olunan enerji mənbələrinin yaradılması və inkişafı məsələləri də öz əksini tapıb.
Bu təkliflər sonda Aİ-nin yeni enerji təhlükəsizliyinin bir hissəsi və infrastrukturunun aləti olacaq. Bu, qanunverici paket olmayacaq, müəyyən olunmuş layihələr üçün maliyyələşdirmə və yüksək səviyyədə siyasi dəstəyin prioritetlərinin vasitəsi kimi fəaliyyət göstərəcək.
